حبيبك هيسيبك وحياتك هتتقلب لو نسيتي تربطي حذائك ...ممكن!

الموضوع انهارده خطير جدا جدا  
حياتك كلها ممكن تكون ف خطر بسبب انك مربطش حذاءك كويس قبل ما تنزل من البيت و تروح الشغل .. 

نعم؟ الكلام ده !
اقولك الأكتر كمان، خليكي معايا واحدة واحدة...
انتي ممكن تفقدي وظيفتك و حبيبك و سكنك و ممكن حياتك كلها بسبب انك نسيتي تربطي حذاءك ! 

اه ، انا مش بهزر على فكره و كلامى بجد و هتفهمي كل حاجة لو كملت معايا للاخر...
بس طول ما انتي مكمل معايا ما تنسيش أنى قولت (( ممكن )) ...

طيب ندخل ف الموضوع على طول بأه ونقول بسم الله 

اكيد نسبه كبيره منكوا سمعوا عن ( تأثير الفراشه ) ده ،بس مش فاهمين ايه ده!

 لدرجة انه اتعمل عليه فيلم اسمه Butterfly Effect   
طب و ايه علاقة ده بالكلام  اللى أنا كتبته ده !

هقولك حاضر بس ركزي معايا شويه ....

بص يا سيدتى عشان اعرفك اهمية الموضوع و انه خطير جدا فعلا
اولا الموضوع ده اتكلم عنه ( نيوتن و ماكسويل و لابلاس و بوانكاريه و لورينز )
على فكره العلماء دول من اعظم علماء التاريخ ف الفيزياء و الرياضه يعنى ناس تقيله ،عشان تعرفوا بس جدية الموضوع ... 

المهم ايه بقى الموضوع ؟!
بص يا سيدتى ...

نيوتن كان عنده وجهة نظر ف فكرة امكانية التنبؤ بالمستقبل وبالتالى التحكم فيه بناءاً على القوانين ،بمعنى ...بما أنى على درايه بقوانين الكون زى قوانين الحركه و القوه و الجاذبيه و غيرها ،
يبقى اقدر أتنبأ بسلوك الكون بعد كده بما فى ذلك كوكب الارض و التغيرات اللى ممكن تطرأ عليه، و ان اى تغيرات بسيطه ممكن تحصل، مش هتأثر كتير على النتيجه النهائيه، بمعنى اخر ( كل شئ تحت السيطره ) 

الكلام ده اتفق عليه مع نيوتن ، ماكسويل و لابلاس ...
و سموه مبدأ الحتمية، يعنى طالما عندنا قوانين يبقى نقدر نتوقع المستقبل طالما التغيرات اللى بتحصل طفيفه يبقى مش هتأثر على النتائج .

جاء بعدهم عالم رياضيات اسمه بوانكاريه قال كلام تانى خالص ،
قال أن ده كلام فاضى و أن اى تغير ممكن يحصل حتى لو بسيط  ممكن يعمل كوارث بعد كده ، و ده اتجه لمبدأ تانى خالص اسمه منهج الفوضى وهو ان ان الكون يتجه ويسير نحو الفوضى ....

و كده احنا بقينا قدام رأين متناقضين     

طب تصدق بمين ياعم الحج ؟! هقولك حاجه حلوة بصي خدي ده مبدأ ف حياتك ،لما تحتاري كتير جرب ي 

في عالم عظيم اوى اسمه لورينز عمل بنصيحتنا و عمل تجربه جميله اوى قطعت الشك باليقين، جاب جهاز و سجل عليه درجات الحراره و الضغط و الرياح و الكلام ده بتاع الجو ، عشان يقدر يتنبأ بالطقس  
المهم دخل البيانات أكتر من مره بصورة تفاضليه  ، ما علينا يعنى دخله ا ازاى على الجهاز، بس المهم انه غير فى البيانات دى تغير بسيط جدا جدا جدا عشان يعرف هل التغيير ده هيأثر على النتيجه أو لا !
زى مثلا اختصر الرقم ده
0,21453698756
للرقم ده
0,2145

او غير الرقم ده
0,1111111111
ل
0,1111111112

واخده بالك التغير كبير إزاي  في اختصارت بسيطه جدا جدا او اجزاء من مليون مثلا ....

النتيجه الصا دم ه بقى أن التغيرات البسيطه دي اتسببت في حدوث منحنى جبرى للتغير فى النتيجه، و وجد أن التغير فى المنحنى ف البدايه مش هيبقى ملحوظ لكن مع الوقت التغيرات الطفيفه جدا دى هتغير ف شكل المنحنى كله ...   

يعنى طلع كلام بوانكاريه ده صح؟ !
مش بالظبط

بمعنى الكون مش بيسير نحو الفوضى زى ما هو قال ،لكن برده فكرة الحتميه فكره مرفوضه ....

القوانين اللى عندنا ممكن تساعدنا اننا نتوقع سلوك الكون مستقبلا لكن مش بنسبة 100%
لان اى تغير بسيط ممكن يغير حاجات كتير و يعمل كوارث بمعنى الكلمه ....

حلو اوى ،

طب ايه علاقة كل ده بالفراشه برده !   

بصي يا جميل، بسبب كلام و اثبات لورينز ده انتشرت فكرة الفراشه دى كرمز النظريه ،
اللى هو لو فراشه فى الصين مثلا حركت جناحها بشكل معين و سرعه معينه حركتها دي هتعمل تموجات و اضطرابات ف الهواء ، والاضطرابات دى نفسها ممكن مستقبلا تكون هى السبب الاول فى حدوث اعصار ف امريكا مثلا !

انتي متخيله؟ !
مش منطقيه اوى صح ...

طب انا هجبهالك بمثال تانى ....

فاكره لما قولتلك انك لو مربطش حذاءك كويس(( ممكن )) حياتك تتدمر و تفقدي وظيفتك و حبيبك و حياتك !  

هقولك إزاي دلوقتى ....  

انت قبل ما تنزلي من بيتك الصبح بدرى كسلتي تربطي حذاءك وبعدين نزلتي من البيت على السلم و رباط حذاءك مفكوك ،
و انتي ماشى ف الشارع الرباط (( ممكن )) شبك ف مسمار طالع فى خشبه ف الشارع فا انتي حاولتي تفكي الرباط من المسمار ومعرفتيش، فا شديتي جامد لحد ما (( ممكن )) اتقطعت الجذمه كلها ،وبعدين روحتي البيت تانى تغيري الجزمه و انتي متكدره و غضبانه جدا، نتيجه لده وصلتي شغلك متأخره ((ممكن))، المدير قابلك تقوليله يهديك يرضيك مفيش فايده،
طردك من الشغل (( ممكن ))، بعدها مزاجك اتعكر اكتر و بدأتي تتأكدي انه ده يوم نحس و تتقفلي خالص و متطقيش كلمه من حد، بعد كده يكون عندك معاد مع حبيبك ،ييجى يقولك كلمه بسيطه اوى بس متعجبكيش
و تتلككي بيها و تتخانقي معاه، م انت على اخرك بقى
فا ...تفركشوا ((ممكن )) ..

تيجى تروحي و انت مخنوقه جدا جدا تحطي الهاند فرى و تسرحي بخيالك، هوب تلبسي ف عربيه تتنقلي المستشفى
(( ممكن )) !
بس هو الحمدلله بقيتي كويسه (( ممكن )) برده   

كل ده ليه لانك اهملتي انك تربطي حذاءك قبل ما تنزلي ...

مربطيش حذاءك فروحتي المستشفى ... !

تغيير بسيط جدا جدا عمل كوارث كبيره ....

اعتقد الموضوع دلوقتى أتفهم و بقى منطقى اكتر ....

طب ليه كررت (( ممكن )) دى كتير اوى عشان اوصلك ان مبدأ الحتميه مرفوض و أن كل الاحتمالات ممكنه، لكن ف نفس الوقت الاحتمال ده وارد جدا برده لانه منطقى، بس مش شرط انه يحصل بنسبة 100%  

وصلت !

اللى عايز اوصله بالبوست ده ايه؟
الحاجه البسيطه اللى بتستهيني بيها ممكن تكون سبب لحاجه كبيره اوى ....

الدقيقه اللى كسلتي فيها ، الصفحه اللى كسلتي تقرأيها ،
الورقه اللى على الارض اللى مهتمتيش تحطيها ف مكانها ،
و حاجات كتير اوى بسيطه بتنعكس بعد كده بتغيرات كبيره .....

لكل شئ سبب ...

هو ده تأثير الفراشه سواء بمعناه الفلسفى و الحياتى او بمعناه الفيزيائي و الرياضىحبيبك هيسيبك وحياتك هتتقلب لو نسيتي تربطي حذائك ...ممكن!

Butterfly Effect

و بالمناسبه المقوله دى مقوله صينيه مشهوره جدا هختم بيها الموضوع ده

"ضاع المسمار ، فضاعت حدوة الحصان ، بضياع الحدوة ضاع الحصان ، بضياع الحصان ضاع الفارس ، بضياع الفارس ، ضاعت الرسالة ، بضياع الرسالة، ضاعت المعركة ، و بضياع المعركة ، انهارت المملكه "

وبس كده خلاص  

بيتر ميلانو


إكتشف محتوى اكثر

تعليقات

  • oumeissa abdul

    كثر الكلام وعدم الدخول في لب الموضوع يملل

    • الاميرة لينة

      صح

  • رامية احمد

    ماهمني الموضوع هل للمرة المقالة كتير طويلة ما حسنت اقراها

  • منى بسيونى

    طويله جدا كسلت اكملها

    • أبي دنيتي🌹

      لاكمليها حلوه

  • Safae Lahrouri

    أخيرا مواضيع شيقة و متعلقة بالعلم *-* لطالما كانت المواضيع هنا متعلقة بالطعام و ااجنس و تفاهة الابراج اتمنى من كلي قلبي ان تعرضو لنا اشياء دات محتوى نافع لانه و بالطبع ليس كل النساء تهتمن للمكياج اكثر من عقولهن مع تحياتي مع ان عنوان الموضوع كان غبيا نوعا ما و ايضا طريقة صياغة الافكار لكنه اعجبني

  • m_alsubaie☔️

    تافهه جدا والاسلوب تافهه أيضا والمقاله طويله وماتجذب القارىء ولَم اكمل قراءتها تافههه جدا تحياتي

    • أبي دنيتي🌹

      بلى حلوه

‎استخدم تطبيق Hayaa لعرض تعليقات 71 المتبقية
إكتشف محتوى اكثر
افتحي Hayaa للمشاركة في المزيد من المواضيع النسائية
فتح

تحميل تطبيق Hayaa

لإدارة صحة فترة الدورة الشهرية ، شاركي في المواضيع الخاصة بالمرأة

Google play
App store

تم النسخ