رسالة من ولد لكل البنات 65نصيحة عنهم و صدقيني أثبتت صحتها بس التزمي

هديكي 65 نصيحة عنهم و صدقيني أثبتت صحتها عمليا بس التزمي بس أنتي و شوفي النتيجة و باريت تفرحينا بالنتايج بكرت دعوة لخطوبة أو فرح و مستنياكي يعني اوعي تضرب طناش اما بقا للشباب اللي دخلوا الكلام ده في صالحكوا يعني مفيش زعل

1- الشاب بيبص على البنت الحلوة (لان الله جميل يحب ال جمال ) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .

2- الشاب ميحبش البنت تعاكسه و تترما عليه و تتغزل فيه و في جمال ه عشان ده دوره هوةا المفروض .

3- ممكن الشاب يعجب بيكي للحظة و ينساكي بعديها ولا كأنه شافك قبل كده .

4- لما الشاب يقولك انا مش قادر افهمك هو يقصد ببساطة انه أنتي مبتفكريش بطريقته أو زيه .

5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على ال تليفون بدل ما يقعد ساكت أو يقعد يتأتأ.

6- صحيح ممكن الشاب تكون عينه زايغة على ال بنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها.

7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة) .

8- ابتسامة فرح جميلة منك بالدنيا واللي فيها عند الشاب .

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

11- لما الشاب يقولك انه عايز يقابل اهلك اوعي ترفضي بل بالعكس شجعيه و اقفي جمبه في المعركة عشان تحسي ب حلا وة النصر .

12- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن.

13- على فكرة الشب بيعيط (مهما بان جامد و قوي مهوا بني آ دم برضو) .

14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .

15- الشاب ميعرفش يحلم و يت أمل كتيير زيك و معدوش صبر عايز كل اللي يتمناه يتحقق في ثانية .

16- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

17- لما توصلي ل قلب شاب أنتي كده دخلتي سكة مفيهاش رجعة (دخول الحمام مش زي خروجه) .

18- اوعي تدي شاب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك .

19- الشاب بيتجنن لما بيلمس ايدك .

20- الشاب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه .

21- لما الشاب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يديكي (الكريديت كارد) أو حتى يدفع علشانك قرش واحد .

22-قولي للشاب أنتي عايزة إيه منه بالزبط من الاول قبل ما تقع الفاس في الراس و بعدين يقول ياريت اللي جرى ما كان .

23- لما تقولي لشاب " لأاااه " بيسمعها هوا حاول تاني بكرا (معلش أطرش هههههههههههههه) .

24- الشاب بيكره الشاب الفافي .

25- الشاب بيموت في أمه (يعني كلوا الا هيا) .

26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .

27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .

28- مستحيل تفهمي الشاب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .

29- الشاب لو قالك بحبك مرة واحدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .

30- حاسبي ........ الشاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .

31- زي ما حصل مع امنا حوا و ابونا آدم أنتي نقطة ضعف الشاب (استغلي المعلومة دي كويس هههههههههه ).

32- صح انك ت جرب ي الشاب الأول قبل ما تصدقي كلامه بس متسيبيهوش مستني كتير برة دائرة ثقتك .

33- الشاب غالبا بيبقى صريح قوي لما يجي يتكلم عن نفسه .

34- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله.

35- الشاب الشيك النضيف يموت لو هدمه اتوسخت حتى لو كانت الحتة اللي اتوسخت اد السمسماية ولو حلفتيلو 100 يمين انها مش باينة مش هيصدق (خوديها من قاصرها وقوليله يروح يغير) .

36- الشاب بيحب البنت المحترمة حتى لو مكانتش أمورة للدرجة .

37- انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما اللتنيين و تخسري اللتنين حبيبك و انتيمتك (وكدة 1000 مبروك خرجتي أنتي من المولد بلا حمص ايد ورا و ايد قدام ) .

38- الشاب لو شكالك همه و حكالك عن مشاكله هوا مش عايز منك غير انك تسمعيه واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .

39- حركة لا إرادية الشاب بيعملها فيكي لما تكوني أنتي حبيبته يفضل يضايقك و ينرفزك و يغيزك و يعلق على كل كلمة تطلع من بقكك .

40- الشاب لو حبك و كنتي مرطبتة هيلاقي 1000 م لون طريقة يبعدكوا فيها عن بعض و يخليكي تحبيه ( فخلي بالك ) .

41- الشاب بيحب البنت اللي عندها حاجة اسمها عقل مش البنت اللي بتلبس ( مينيي سكرت ) .

42- الشاب بيحاول يجيب الهدية اللي ممكن تعجبك صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه .

43- عملياً الشاب بيتفاخر عن كل حاجة تخصه ( ده أساسي يعني هههههههههههه ) .

44- الشاب غالباً عمره ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .

45- الشاب دماغه مبتهداش على طول بتودي و تجيب مبيبطلش تفكير ابدا .

46- الشاب خياله واسع قوي (يرمح فيه الخيل يعني . . . ههههههههه) .

47- الشاب طولك عنده مش مهم بس صدقيني مفيش عنده أهم من وزنك حااااسبي .

48- الشاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .

49- لما سيادتك تجنني شاب معجب بيعاكسك و تديلوه طناش ( تنفضيلوا يعني ) هيتمسك اكتر بيكي و هيلزأ هههههههه .

50- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه ) .

51- لازم لازم لازم الصراحة يعني تقولي للشاب أنتي بجد مستنية إيه من علاقتكو ببعض قبل ما تدخولوا في الجد و تقع الفاس في الراس هههههه .

52- تحزير هاااام الشاب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمره مهيكبر و يعقل ويبطل لعب العيال

53- لو حصلت ظروف مش قد كدة غالباً الشاب بيلوم نفسوا أكتر بكتييير منك يا بنوته ده كمان ممكن توصل انه يعمل حاجة في نفسه اوعي تسيبيه في ظروف زي دي اتفقنا ؟ عشان ده أكير وقت بيحتاجك فيه .

54- الشاب عموماً عندوه انفعال و شغف انه يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .

55- الشاب يكون مع الناس كلها واد إيه أسد مرعب محدش يقدر يفتح بقوه معاه بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي هههههه ( إوعي تفهميه غلط ).

56- لو الشاب في موقف المفروض يكون متنرفز فيه و هوعمالك عم الكوول اللي أعصابه باردة و ميتعصبش بسرعة شوفي اذا كان عرق ان هتعرفي أد إيه هوا متنرفز .

57- لما الشاب يقولك انه مجنوون بيكي يبقى فعلا حبك عمله جنان فى غالباً مش بيكدب .

58- لما الشاب يقولك سبييني في حالي إعرفي إنه بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقو يدايقك (بس مش الزن اللي يخنق) .

59-الشاب في الحقيقة غالباً ملوش قرار نهائي ( وخدي بالك من النقطة دي) .

60- لما الشاب يحبك بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي .

61- لما الشاب يسيب التهريج و يبقى عايز يتكلم بجد إسمعيه و وريه اد إيه أنتي مهتمة .

62- لو الشاب فضل ساكت و قافل بقوه متقلديهوش و تأعديلي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه .

63- الشاب ما بيآمنش ب الحب من أول نظرة على عكس معظم البنات وبرغم كده بيعاكس برضه لحد ميقع من غير ما حد يسم عليه و ساعتها بس هيآمن و يبصم بالعشرة ان في حب كدة .

64- الشاب بيحب في البنت أنوثتها بس ميحبش ضعفها يعني انوثة و قوة مع

بعض و حلي بقى أنتي المعادلة الصعبة دي .

65-الشاب ممكن يضيع وقته في ماتش كورة أو في لعبة بليستاشن أو كومبيوتر (في الوقت اللي أنتي مشغولة بافكارك ال رومانسي ة اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معاه.

إكتشف محتوى اكثر

تعليقات

  • Zainab Aldo

    من تجربه شخصيه افضل لكل بنت تبتعد عن هالخطوات لانها مو مهمه وراح تعكر مزاجك للابد ،، والله محد بيحبك الا اللي راح يتزوجك لانه هو تجرأ وتقدم لك اما بقية الشباب واللي بيقولك انا احبك وأموت فيك ،كله كذب ولعب فكري ف حالك فقط واللي ونصيبك راح يجيك مهما طال الزمن

    • الكفن الحنون 💓

      كلامك جواهر 💎💎

  • EşŘåą MøŇțý

    نسيتي تقولي ان الشاب المتربي هو بس اللي كده لان في شباب زباله كتير خدو بالكم يا بنات

  • سحائب الرجاء ستمطر

    كلام فارغ كله هذا الكلام دمر شباب وبنات وعائلات ومجتمعات ياجماعه مافي شي اسمه علاقة حب بين بنت وشاب حراااااااام لان معروفه النهايه اما فراق او وقوع في فاحشه اللي يحب بنت يتزوجها واللي مايقدر يشغل نفسه بشي يفيده بدل هل الكلام نموا قدرات الشباب واعملولهم برامج تثقيفيه لان عندهم فراغ

  • Rana Tawfik

    ازاي طيب تبقي البنت قوية حد يديني امثلة بليييييز و ازاي بتبقوا سكن لازواجكم

    • Ṩoúṩī Ťä

      بتكوني قويه يعني انو تكوني جنبه بكل وقت ولما يكون معصب عطول انتي بتعدلي مزاجه ونفس الوقت متعمليش حالك اقوى منه او تتفلسفي عليه ولا تعملي حالك عملية اكثر منه ولازم تساعديه بكل مشاكله وتخليه هو العامل الاساسي في حل مشاكلك هيك رأي بتمنا يعجبكن 😍😍😍

    • PSy D

      حبايبي ماينفعش كلام الرومانسية والدلع بين المخطوبين ولو قالك عاوزك سكن ليا قوليله لما نتجوز ان شاء الله لكن لايجوز الغزل بين المخطوبين

    • Es Raa

      ربنا يديم المحبه 🙌

    • Es Raa

      اقوله اهدا وكل حاجه هتتحل وافضل جمبه ولما يلقيني زعلت وهو خلاص هدا يجي يقولي معلش متزعليش مني وحقك عليا ويصالحني ويدعيلي وقتها ببقا مبسوطه ان هو هدا وبقا جمبي فرحان

    • Belqiiiiiiis ZS

      مع الوقت صارت الحياه عاديه وروتينيه أما بانسبالك حاسه انك راح السعدي زوجك ولما تتزوجي رح تكبري وتنضجي اكتر واكتر وتفهمي اللي عام احكيلك إياه وجعلنا بينكم موده ورحمه ، الموده هي قمة الحب والرحمة هي السكن الللي كنتوا تحكوا فيه من قبل انتي والاخت

  • ياسمين حمدي عبد العظيم

    أفضل نصيحه عجبتني " الشاب بيحب البنت المحترمه "

‎استخدم تطبيق Hayaa لعرض تعليقات 772 المتبقية
إكتشف محتوى اكثر
افتحي Hayaa للمشاركة في المزيد من المواضيع النسائية
فتح

تحميل تطبيق Hayaa

لإدارة صحة فترة الدورة الشهرية ، شاركي في المواضيع الخاصة بالمرأة

Google play
App store

تم النسخ