زوجي يخونني...

جوزي بيخونني

اكتشفت دا لمّا رجعت البيت فجأة في ميعاد غير ميعادي عشان اتفاجئ إنه هو كمان رجع البيت بدري، كُنت سامعه صوتهم، دخلت بهدوء واتحركت في البيت بحرص وبطء، فتحت باب الأوضة وشُفتهم، كانوا مشغولين لدرجة إنهم ما أخدوش بالهم مني غير بعد دقايق، لحظات مرّت وهو بيبصلي بخوف، بعد عنها بسُرعة وهو بيحاول يتكلّم

كانت واحدة من أقرب وأق دم أصدقائه، وأنا كان سَبَق وقابلتها أكتر من مرة قبل كدا، أنا فاكرة كمان في مرة كُنا معزومين عندها هي و زوجه ا على العشا في بيتهم، يعني ببساطة مكانتش شخص برئ جوزي ضحك عليها وقالها إنه أعزب، دي عارفاه وعارفة كويس إنه متجوّز

حاول يشرح أو يبرّر لكني شاورتلي بصابعي علي فمي عشان يسكُت تمامًا

لمّا سكت قُلتله بهدوء: " الأكل جاهز، تعالوا كلوا "

وقفوا جنب السرير مكانهم، مش عارفين المفروض يعملوا إيه

قُلتلهم بهدوء: " تعالوا أقعدوا هنا، في أكل لينا كُلنا، الأكل هيكفي "

قعدوا بهدوء

جوزي بدأ يتكلّم: " حبيبتي، أنا ... أنا مش عارف أقول إيه، إحنا ... الموضوع ... الموضوع حصل غصب عننا فجأة "

هزيت راسي، إديت لكل واحد فيهم طبق ه وقعدت أدامهم أتفرّج عليهم وهُمّا بياكلوا، كانوا بياكلوا كأنهم مشافوش أكل قبل كدا، كُل واحد فيهم باصِص في طبقه وبياكل في صمت، أنا ع امل ة مكرونة سباجيتي بالصلصة، وجبته المُفضلة، وعلى ما يبدو هي وجبتها المُفضلة هي كمان

كان باصصلي، بيدوّر على الكلام المُناسِب اللي المفروض يقوله، وهي كانت قاعدة ساكتة، باصّة في طبقها ومش قادرة ترفع وشها

سألتهم: " بقالكم أد إيه سوا؟ "

رد بسُرعة: " حبيبتي، أنا عايزك تعرفـ ... "

صرخت فيه: " أنا بسأل ... بقالكم أد إيه سوا؟ "

خلاني صرخت بغضب، وأنا مكُنتش عايزة أصرخ، هي شهقت بخوف وكأني هضربها

قال: " تلت شهور ... إحنا بس كُنا بنتكلّم ... والأمور تطوّرت بسُرعة "

فجأة بدأت تعيّط وهي بتقول: " أرجوكي ... أرجوكي بلاش تقولي ل زوج ي "

بدأت أضحك، دمها خفيف أوي، بس بصراحة عرفت تكون عشيقة لعوب باقتدار، ورغم كدا مازالت خايفة على جوازها، جوزي حاول يستعيد سيطرته على الأمور، لكن أنا كُنت في حالة هيستيرية، بدأت أعيّط من غير ما أحِس، مكُنتش قادرة أتنفس بشكل كويس

جوزي حس إني بفقد سيطرتي على الأمور، فقرر إن دا الوقت اللي هو يسيطر فيه، وقف وهو بيمسك إيدها وبيقول: " أنا مش هعمل دا، يلا بينا "

سألته وأنا بضحك بسُخرية: " إنت بتعمل إيه؟ "

رد ببساطة: " همشي، هوصلها بيتها وأرجعلك نتكلّم سوا "

قلتله: " إنت مش هتخرج من هنا بالبساطة دي، مش بعد اللي عملتوه سوا "

صوته بدأ يبقي أهدى، قرّب مني خطوة وهو بيقول: " أنا غلطت، أنا عارف إني غلطت، بس هي ... هي متساويش أي حاجة بالنسبة لي ... أنا بحبك، إنتي كُل حاجة بالنسبة لي، أنا بس ... مش عارف ... أنا بس غلطت "

قُلتله: " بس دي مكانتش غلطة! إنت مش يتغلط! إنت كُنت عارف ومُتأكّد إنك بتعمل علاقة مع واحدة متجوزة "

حاولت تتكلّم هي: " والله الغلط مش مننا، إنتي اللي المفروض كنتي تسمعيه وتتكلمي معاه شوية، بلاش تلوميه بالشكل دا، لومي نفسِك الأول "

قُلتلها بغضب من بين سناني: " إياكي تتكلمي على جوزي بالشكل دا، إنتي مش عارفة حاجة "

هي كمان قالت بغضب: " من الواضح إني عارفة عنه أكتر ما إنتي تعرفي "

هو قرّر يتدخل في اللحظة دي، مسك إيدها مرة تانية وهو بيقول: " يلا بينا، أنا هوصلِك البيت "

وقفت أدامهم عشان أقطع عليهم الطريق

أمرتهم بقسوة: " لا ... اقعدوا ... حالًا "

قعدوا على الكراسي مرة تانية، مش هكذب عليكم وأقولكم إني كُنت لطيفة معاهم، لا ... أنا كُنت ماسكة في إيدي سكينة الخضروات الضخمة وبهددهم بيها

أمرتهم: " كلوا "

بصولي في صمت، صرخت فيهم بقوة: " كلوا! "

بدأوا ياكلوا

في النهاية وبعد الأكل قعدنا نتكلّم، هي كانت بتعيّط بحُزن وخوف، وهو كان بيتصرّف بسخافة

كان بيترجاني وهو بيقول: " أنا عُمري ما أذيتك، مش عاوز أخسرك، أنا بحبك "

قُلتله وأنا بحضنه: " متخافش، مش هتخسرني، أنا مش هروح في حتة "

قعدت معانا طول اليوم ، وإتكلمنا سوا، عملتهم حاجات يشربوها، وبالليل إتعشينا سوا

بالليل نمنا في سرير واحد، والموضوع فضل كدا كُل يوم

كُل ليلة، بننام سوا في نفس السرير، مكُنتش خايفة خلاص يخونني معاها تاني، لأن هو وعشيقته تحت عيني طول الوقت ومش بيغيبوا عن نظري

بعد فترة بدأ يبقي قذر، مش عارفة ليه؟

بس هو يستاهل، هو كان عايز يكون معايا، وعايز يكون معاها، وفي بيتنا، وفي سريرنا، وأنا سمحت لهم يعملوا كل الحاجات دي

ساعات كُنت بشوفه وهو بيعيّط، عشان منساش صحيح، أنا خدت تليفون اتهم، وبدأت أشتغل من البيت عشان مسيبهمش لوحدهم أبدًا، ساعات كان بيترجاني أبعدها عنه، مش قادر يشوفها طول الوقت

في النهاية كان بدأ يقرف منها ومن فكرة وجودها

وأنا موافقاه، وافقت في الآخر آخدها أوديها لجوزها، لمّا شافها إنهار وبدأ يعيّط، بصراحة مقعدتش كتير، معنديش وقت، أنا سبتها أدام البيت ووقفت أبُص عليهم من بعيد، من وسط الأشجار، كُنت حريصة جدًا، ركنت عربيتي وسط الغابة عشان محدش يشوفها، كُنت مُتأكدة إنها مش هتقوله كانت فين طوال الأسابيع دي، مش عشان حاجة، عشان بس ميكتشفش إنها بتخونه

لمّا رجعت البيت، جوزي كان في حالة نفسية سيئة، بس على الأقل أحسن من الأول، لسّه محبوس في البيت ومش هيخرُج دلوقتي

الحاجة الوحيدة اللي هحتاجها هي ملايات سرير جديدة، عشان للأسف جُثتها وهي بتعفّن بوظت الملايات القديمة
.
طالما وصلت لهنا يهمني اقولك ملحوظة مهمة: دي مش رواية ... دي قصة مترجمة من القصص الحقيقية اللي بيترجمها محمد عصمت...

إكتشف محتوى اكثر

تعليقات

  • Nooon Mohammed

    .... والدي يخون امي وانا واخواتي فقط نعلم بهذا... تعبت أشعر بالالم كلما أراه يتكلم معها.. يعتقد بأننا أغبياء ولا نفهم يتحدث بأمور جنسيه أمامنا ولكن بصيغه أخرى.. افهم كل مايقول واسكت دائما... اخذت رقم هذه المرأه وأخذت صور اقربائها عن طريق خلفيات الواتس..

    • بلغو عني ولو أية

      ماشاءالله الله يبارك لك بس هي سنة الله في خلقه اكيد ضروري الزواج حتى الأنسان يعف نفسه انا كان حلمي اكمل دراستي بس الظروف منعتني عندي بس بكالوريا بس الحمد لله في ناس ما حسنو يوصلو ل هالمرحلة وكتير هلق بتعب وبقول ياريت كملت دراستي😢

    • aassbb asb

      لازم تتكلمين صح كلامها راح ينقل مرض لامك علمي أمك بالموضوع لازم تدخلون حد بينكم

    • Meriem Mīra

      استخيري الله واخبري والدتك لان الساكت عن الحق شيطان اخرس

    • Nooon Mohammed

      اعلم الكثير عنها وانها تعمل في الدعاره قبل معرفت والدي دايما اسمع والدي وهو يقول لها لقد نمتي مع هذا وفعلتي هكذا مع هذا.. ما استغربه لماذا يتحدث معها رغم أنها نامت مع أخيه؟ ومع أصدقائه.. كيف يستطيع أن ينام معها؟

    • Nooon Mohammed

      لا أجد حل... فقط اخاف ع خواتي فقد أصبحت حالتهم النفسيه متأثره....

  • اجمل الوصفات

    الرجال نفس الحيونات اي وحده يشوفها ركبو فوقها نذول

    • هناء علي

      فعلان والله

    • الورود الحمراء

      😂😂صح كلامج

  • Dora Ramadan

    يعني هيا قتلتها 😮

    • رشا

      الواضح انها قتلتها و بقت جثتها بينهم في السرير لحد ما قرفها جوزها و أخدت الجثة للزووووج كاتب هذه القصة مريض نفسي 😐

    • عنوديه وبكيفي

      بس غير رجعته الزوجها شلون كدرت تقتله

    • ShoOona

      حلووووووو عشآن يتعلمو أن الأزواج مش لعبه واحنا الحريم مش سهلات اببببداااا اي حد يقرب من شي بيخصني يتحمل النتيجه كيف ماكانت.. 😌

    • Dora Ramadan

      يعني الست قتلت عشيقة جوزها

    • Amira Amer

      مش فاهمة... بتتكلمي عن ايه

  • زيوني الورده البيضاء

    مرحبا حبايبي حابه اشارك بنفس الموضوع انا اكتشفت زوجي بيخوني في بيتي واناكنت عداهلي ارجونصيحه يااخواتي

    • الدر المكنون

      الله يكون بعونك قولي لاهله وكعديهم كله واحجي على خيانته قدام اهله واذا عندج دليل على خيانته احجيه راح يستحي وكوليله انته مقصر لجهالك واليه

    • Meriem Mīra

      طلقيه وماتبقي عنده لان الاولاد اللي بعد الخيانة اولاد حرام وانت محرمة عليه 😑

    • بلغو عني ولو أية

      حسبي الله ونعم الوكيل إذا بتحبي احكي فضفضي الله يفرج همك

  • لهيب الروح الموسويه

    ميضهر عندي المنشور وبس اشوف التعليقات انقتل وانقتلت وانقتلو 🤣🤣🤣

    • Tota Husam

      اني مثلج😂

‎استخدم تطبيق Hayaa لعرض تعليقات 138 المتبقية
إكتشف محتوى اكثر
افتحي Hayaa للمشاركة في المزيد من المواضيع النسائية
فتح

تحميل تطبيق Hayaa

لإدارة صحة فترة الدورة الشهرية ، شاركي في المواضيع الخاصة بالمرأة

Google play
App store

تم النسخ