الست ملهاش غير الست الـ زيها، حكمة مقتنع بيها سكان قبيلة الموسو الصينية من 2000 سنة فما فوق، الرجالة ملهمش أي دور و الست هي الآمر الناهي في كل حاجة.. تعالوا نتعرف مع بعض أكتر علي " مملكة النساء" الصينية و أنتوا الـ تحكموا هل تستحق اللقب ده و لا لأ.
1- مفيش مساواة:
- المرأة هي الـ بتقوم بكل الأ دوار المركزية في القبيلة، من الحكم و تشريع القوانين وهي الـ بتفصل في مواضيع الميراث والنسب و الزراعة و الخياطة.. باختصار كل حاجة تقريباً.
- بالنسبة للرجالة.. دورهم ثانوي، بيكون بس في صيد الأسماك، تربية الغنم و الخلفة. يلا يعملوا حاجة مفيدة في حياتهم.
2- كلمة" أب " مش موجودة في القاموس:
- ده شئ طبيعي هناك.. لأنه ببساطة الرجالة ملهمش أي حق في الحضانة و الطفل نسبه للأم ، أصلاً الذكور ملهمش أي نصيب من الميراث، ده حتي فكرة الجواز في حد ذاتها مش معترف بيها هناك.
-طيب بيخلفوا إزاي ؟!
الراجل لمَّا بيحب واحده بيروحلها بيتها و تشوفه و تعاينه من فوق لتحت، يأما توافق بيه أو تطرده و لو وافقت مش بيعيشوا مع بعض، هو بس يقوم بمهمته في أنها تكون أم و يطلع برا، و ده اسمه " زواج المسيار"
- ليه كل اللفة دي؟!
لأنه هناك فكرة الحب و الإرتباط بالجواز ممنوعة، خايفين من فكرة أنه الراجل يقدر يسيطر عليهم و يستغلوا حبهم ليهم لتحقيق الهدف ده.
3- الرجالة مبسوطة وسعيدة:
معندهمش أي نية لل تمر د نهائي.. متأكدين أن الست هي الأفضل للقيادة، مش لأنها الأقوي، لأ خالص، بس روحها الشفافة و طبيعتها الرقيقة، هي الـ بتمكنها أنها تتوسط بين روح البشر و الألهه و هي الـ هتقدر تحقق التوازن في الكون!!
قبيلة الموسو موجودة على ضفاف بحيرة "لوغو" غرب الصين، بالقرب من حدود مقاطعتي "يونان" و " زيتشوان" الصينيتين، عدد سكانها فوق الأربعين ألف و الألاف بيزورها سنوياً علشان يشوفوا القبيلة الغريبه دي و كمان لكونها بلد أمن، مفيش حروب و لا خيانة و لا اعتداء جنس ي و لا تحرش حتي، لأنه الست هي الـ بتبتدي ال علاقة و بتنهيها بمزاجها و الرجاله بيقولوا أمين.
علشان كده الأمم المتحدة في عيدها الخمسين، اعتبرتها هي ال نمو ذج للمجتمع المثالي في العالم كله.
السؤال بقي لو انتي كأنثى صحيتي في يوم من النوم ولقيتي نفسك حاكمة لقبيلة الموسو.. أيه أول قانون هتحطيه؟؟
المصدر الشرق الأوسط
