عروس والحفل عزاء

‏بنت عمرها ٢١ سنة بتشتغل شغلة بتحبها وبالوقت نفسه بتساعد أهلها، تق دم لخطبتها شبّ ومتل أي عائلة شرقيّة , بإذن من والدتها طلعت معاه برفقة أخوها عشان تتعرف عليه، وقررت تتصور مع خطيبها ڤيديو عفويّ لل ذكر ى ونشرته على حسابها بموقع "انستاغرام"
‏لكن اللي صار "بنت عمها" ما عجبها الوضع أبداً , و قالت لأبو إسراء ولجميع إخوتها انو هالحكي مابصير أبداً , وحرّضت على بنت عمها بأن شخص غريب وما تم إكمال الإرتباط و "عقد القران" لتتصور معاه وانو هالبنت شوّهت سمعة العائلة و إلى آخره , وصارت اسراء تتواصل مع بنت عمها وتقلها انا ماعم بعمل شي غلط , انا مابعمل شي من ورا أهلي , أمي بتعرف والكل بيعرف ، طبعاً أهلها متل أي ذكر من الشرق الأوسخ ما فيه شيء اسمه نقاش وتفاهم , بحلّ المشكلة بإيديه وبلسانو الكريه و بالاسلوب الغبي المعتاد عليه، صدق كلام بنت عمه

عروس والحفل عزاءالكل نزل فيها ضرب وجميع أخوتها مع والدها و زوج أختها, بدون أي تدخّل لمساعدة البنت , وفسخوا خطبتها من الشاب

بعد هالضرب كلّه , دخلت إسراء المستشفى بسبب كسر في العمود الفقري من شدّة التعنيف، طبعاً ما وقف الموضوع للتعنيف وبس، راحوا للمستشفى وكملوا ضرب على البنت ومنعوا أي أحد من التدخل لمنعهم , بحجّة أن زوج أختها "شيخ" ,( بال فيديو تحت , إحدى الم مرض ات عم تسجل صوت اسراء وهي عم تنضرب بالمشفى بدون أي تدخّل )
‏بعد فترة طلعت إسراء من المستشفى وقبل خروجها، أخوها اللي عايش بكندا اللي مفروض يكون فهمان وواعي وبدل ما يهدّي الأمور ,هددها هالمتخلّف انو رح يكمّل عليها بس تطلع من المشفى و بالفعل , رجع من كندا , طلع هو أكثرهم تخلف وغباء، ضربها على راسها وعلى إثرها تسببت الضربة بغيبوبة وتوفت مباشرة بعدها

هيك بيصير وهيك رح يضل يصير , بمجتمعات مُثقلة بالتديّن وتقتات من خزعبلات العادات و التقاليد وتعتاش عليها , بظل وجود مبرّرين متخلفين لضرب أو قتل الكائن الضعيف بالمجتمع وهو المرأة , وبظلّ عدم وجود قانون بيمنع تعنيف النساء بهالبلاد المتخلفة , بالبلاد الي فيها حتى الطبيب ما بيقدر يبلّغ عن الجهة المسؤولة عن الجُرم لخوفه أنو يتعرّض للملاحقة أو الإنتقام من قِبل المسؤولين عن التعنيف

إكتشف محتوى اكثر

تعليقات

  • yasmin

    # كلنا اسراء غريب

  • ❤آروى💖مروى❤

    أسوء مجتمع عاملين حالهم متدينين وعارفين لدين ...هؤلاء هم السفهاء لي يشوهو ومايعرفو معنى الإسلام ..الله ينتقم منهم كلهم وانشاء الله تبقى بنت عم اسراء عانس ولا تعرف الهناء في حياتها كلها حسبي الله ونعم الوكيل فيهم كلهم

    • Dalia Daloosh Wahwah

      بس بنت عمها متزوجه وعندها ٦ اولاد لانها اسراء كانت ناجحه بحياتها لهيك غارت منها بنت عمها وفضحتها رغم انو ما عملت شي غلط

  • ليال احمد

    من بعد هالموضوع صرت خايفة ع نفسي أكثر من أول انا دائما أوقع بمشاكل مع أهل بسبب بنات اعمامي وانضرب ع شي ماعملته في نهايه بعد ماينكشف حقيقه يعتذر عمي مني رغم أنهم متعلمت وناجحات ف حياتهم أكثر مني وكمان فيهم جمال بس ليش حاطين رأسهم براسي .. حسبي الله ونعم الوكيل

  • ام عمووورة😍🌺

    الفتنة اشد من القتل. برأيي المجرم الاول والأخير بنت عمها.الله لا يوفقها 😠😠 بدي اعرف كيف عم تعيش حياتها وفي خطية قتيل برقبتها. ان شاءالله بعد فترة قصيرة منسمع خبرها.والله لما سمعت صراخ اسراء بالفديو بدني اتزلزل وماعم يروح الصوت من بالي 😭😭😭 قال اهل قال.هدول حيوانات مو بشر.

    • 🌚Lã ЅęūLlë 🌟

      ييي صدك💔

    • soma😇

      بنت عمها ان شاء الله اذا عاشت حياتها الله لن يوفقها في حياتها و ستعاني من عذاب الضمير و هو اشد بكثير من الموت

    • 🌚Lã ЅęūLlë 🌟

      صوتها مارحش من بالي ومقدرتش اكمل الفيديو 💔😭😭😭😭😭😭😭😭😭

    • Masha .hammodi Alfartosi

      اشكرك

    • Masha .hammodi Alfartosi

      شلون طلعتي صوتها بأي فيديوا

  • زمرد

    عزيزتي احترامي للمرحومه والله يرحمها ويبين قاتلها وينتقم من الي كان السبب بس طرحك للموضوع وتهجمك على المجتمع ولفظ الشرق (الاوسخ) هذا كلام جارح بحقنا احنه كعرب ارجو ان تنتقي الفاظك وما تعممي. الذي يطالب بحق هل بنت الان هم من (الشرق الاوسط) ولذالك احترمي مجتمعك ودينك عزيزتي وبدون تهجم رجائا

‎استخدم تطبيق Hayaa لعرض تعليقات 65 المتبقية
إكتشف محتوى اكثر
افتحي Hayaa للمشاركة في المزيد من المواضيع النسائية
فتح

تحميل تطبيق Hayaa

لإدارة صحة فترة الدورة الشهرية ، شاركي في المواضيع الخاصة بالمرأة

Google play
App store

تم النسخ